Благословение Святейшего Патриарха Московского и Всея Руси Алексия II

Молебен перед началом доброго дела
PDF Печать E-mail
 

Молитвами святых отец наших, Госпиди Иисусе Христе , Боже наш, помилуй нас. Аминь.


Царю Небесный …
Трисвятое по Отче наш.

(Тропарь, глас 2-й)

Творче и Создателю всяческих,/ Боже, дела рук наших,/ к славе Твоей начинаемая,/ Твоим благословением спешно исправи, /и нас от всякаго зла избави, /яко един всесилен и Человеколюбец.

(Тропарь равноапостольной княгине Ольге, глас 1-й)

Крилами богоразумия вперивши твой ум, /возлетела еси превыше видимыя твари;/ взыскавши Бога и Творца всяческих, /и Того обретши, пакирождёние крещением прияла есй;/ древа животнаго наслаждающися, /нетленна во веки пребываеши, Ольго приснославная.

(Тропарь великомученику Георгию Победоносцу, глас 4-й)

Яко пленных свободитель,/ и нищих защититель, /немощствующих врач,/ царей поборниче,/ победоносче великомучениче Георгие,/ моли Христа Бога,/ спастися душам нашим.

Слава и ныне:

(Кондак, глас 6-й)

Предстательство христиан непостыдное,/ Ходатайство ко Творцу непреложное,/ не Презри грешных молений гласы, /но предвари, яко Благая, на помощь нас, /верно зовущих Ти; /ускори на молитву и потщися на Умоление, /предстательствующи присно, Богородице, чтущих Тя.

(Запевы:)

Слава Тебе, Боже наш, слава Тебе.
Пресвятая Богородице, спаси нас.
Святая равноапостольная княгине Ольго, моли Бога о нас.
Святый великомучениче и победоносче Георгие моли Бога о нас.
Слава и ныне:

Избави от бед и скорбей раб Твоих, Владыко всемилостиве, яко мы усердно к Тебе прибегаем, милостивому Избавителю всех Владыце Господу Иисусу.

Спаси от бед рабы Твоя, Богородице, яко мы по Бозе к Тебе прибегаем, яко к Нерушимей Стене и Предстательству.

Призри благосердием всепетая Богородице на мое лютое телеси озлобление и исцели души моея болезнь.

Молите Бога о нас святая равноапостольная княгине Ольго , святый великомучениче и победоносче Георгие, яко мы усердно к вам прибегаем скорым помощникам и молитвенникам о душах наших.

Господу, помолимся. Господи, помилуй!

(Молитва перед началом всякого дела):

Господи Иисусе Христе, Сыне Единородный Безначального Твоего Отца, Ты рекл еси пречистыми усты Твоими: яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю Твоей благости: помози нам грешным сие дело, нами начинаемо, о Тебе Самем совершити, во имя Отца и Сына и Святого Духа. Аминь.

Ко святому великомученику иПобедоносцу Георгию, помолимся!
Святый великомучениче и Победоносче Георгие, моли Бога о нас!

(Молитва ко святому великомученику Георгию Победоносцу):

О всехвальный, святый великомучениче и чудотворче Георгие! Призри на ны скорою твоею помощию, и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие, и во всем изобилие, и да не во зло обратим благая, даруемая нам тобою от Всещедраго Бога, но во славу святаго имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением. Изряднее же да оградит нас святых ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати Престолу Господа Славы. Услыши ны, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость, со ангелы и архангелы и всеми святыми одесную Правосудного Судии стати, и Того выну славити со Отцем и Святым Духом, ныне и присно, и во веки веков. Аминь.

Достойно есть…

*Примечание 1. Вместо двух молитв можно взять одну любую.
Примечание 2. То, что указано в скобках - не произносится.

 

Скаутский мир. Газета Организации Российских Юных Разведчиков

ОРЮР (Организация Российских Юных Разведчиков) © 2009
При использовании наших публикаций просим ссылаться
на автора публикации и наш сайт - www.orur.ru
Изготовление сайта: Web-Arsenal при поддержке Symbol-Russia и Hrest-Info